Pastor Lianneu pen Pasian a it mahmah khat leh mite tawh kithuahkhop adiakin khangnote tawh kikhawlkhop nuamsa a, mi huh leh Pasian thugen zong a uk mahmah khat ahi hi. 2015 ciangin Topa in Ama nasem dingin asapna tungtawnin Guymon pawlpi ah church pastor sep kipan hi. Pastor a sep khawmin Master of Arts in Pastoral Ministry (MAPM) Andrews University ah kah a, undergraduate pen Bachelor of Science in Mathematics tawh 2015 kumin man hi.
Amah pen tuma kum 20 val pek lai-in Sakollam, Tedim ah suak in, tua mah pan in khangkhia a, 2008 kum in USA ah alawmnu Khawlniang tawh tung uha, tulaitak-in Pasian piak tapa nih, Chris Tuplian leh Steve Biaklian tawh a nupa un Guymon ah teeng uh hi.
Zomi Tulsa For Christ Cih thulu tawh Pr Lianneu in "Kithak Pat" cih bulpuh in Tulsa khuapi ah October 1-13 ni dong thuman tangko na hongnei thei hi. Hihlaimun pan nang zong ong ki hel thei na hih man in lungdam mahmah ung. ih biak PaPasian in nang ong om pih ta hen.